ХЕРА – Асоцијација за здравствена едукација и истражување во рамки на проектот „Заедно за родова еднаквост: Градење поддршка за родово инклузивни политики“, поддржан од страна на Британската амбасада Скопје, објавува повик за избор на консултант/-ка за подготовка на: Анализа на учеството на жени на извршни и високи извршни функции во изминатите 10 години и подготовка на документ за јавни политики за зајакнување на учеството на жените во извршната и високата извршна власт. Анализата ги таргетира извршните и високите извршни функции во состав на владите во изминатите 10 години заради утврдување на опфатот на жени и нивното влијание во донесувањето на одлуки, како и осмислување на сеопфатен документ за јавни политики за зајакнување на жените во извршната и високата извршна власт.
Анализата треба да го истражи соодносот на жени и мажи помеѓу извршните и високите извршни функции во изминатите 10 години вклучувајќи ги Претседателите на Влада, Заменици/-чки претседатели/-ки на Влада, како и ресорните министерства со назначени министри/-ерки, заменици министри/-рки, вклучително и државните секретари/-ки како дел од извршната власт. Целта е да се утврдат трендовите и да се донесат соодветни заклучоци и препораки за намалување на тековните родови нееднаквости и обезбедување еднакви права и можности за учество на жените во извршната и високата извршна власт. Во рамки на анализата се предвидува и осмислување на еден сеопфатен документ за јавни политики кој ќе го зајакне учеството на жените во извршната и високата извршна власт, со предвидување на сите неопходни предуслови и процедури развиени за оваа намена.
1. Вовед
ХЕРА – Асоцијација за здравствена едукација и истражување го спроведува проектот „Заедно за родова еднаквост: Градење поддршка за родово инклузивни политики“, поддржан од страна на Британската амбасада Скопје, чија главна цел е да изгради и поддржи национална платформа за родова еднаквост и структура која ќе биде во состојба да промовира и застапува родово сензитивни политики и практики кои ќе ги унапредат правата на жените и девојките во Северна Македонија.
Во рамки на проектот, ќе се спроведе и анализата на опфатот на жени на извршни и високи извршни функции во владата и ресорните министерства, како дел од учествотото на жени со соодветно влијание при донесувањето на одлуки. Целта е да се приберат информации за учеството на жени на извршни и високи извршни функции во изминатите 10 години, да се анализираат трендовите според сектори и ресори и да се донесат соодветни заклучоци и препораки за надминување на тековните родови нееднаквости во извршната и високата извршна власт. Во рамки на анализата се предвидува и осмислување на еден сеопфатен документ за јавни политики кој ќе го зајакне учеството на жените на овие функции, со предвидување на сите неопходни предуслови и процедури развиени за оваа намена.
За таа цел, ХЕРА објавува повик за избор на консултант/-ка за подготовка на: Анализа на учеството на жени на извршни и високи извршни функции во изминатите 10 години и подготовка на документ за јавни политики за зајакнување на учеството на жени во извршната и високата извршна власт.
Ангажираниот/-ата консултант/-ка ќе треба да:
• Направи соодветно истражување на достапни материјали и информации за назначените лица на извршни и високи извршни функции во изминатите 10 години (преку веб-страниците на Владата, ресорните министерства и/или преку други достапни средства за информирање);
• Изработи и други инструменти за прибирање податоци како што се барања за пристап до информации од јавен карактер, директни дописи и писма за прибирање на потребните податоци од соодветните институции;
• Го води процесот на испраќање/прибавување податоци од соодветните институции;
• Постави релевантна структура на документот односно анализата и истата да ја потврди со одговорните лица во ХЕРА назначени на проектот;
• Ги обработи добиените податоци и да ги утврди трендовите според ресори, како и според вид на соодветната функција, време за кое функциите се извршувани и сл.;
• Направи соодветна дополна на податоците во делот на потешкотии со кои се соочиле жените при извршување на извршни и високи извршни функции, како и тековни проблеми во практицирање на функциите, но и одредени придобивки и позитивни искуства (преку директни интервјуа со жени кои вршеле ваков вид функции, прашалник, анкета или сл.);
• Изготви финална анализа со соодветни заклучоци и препораки за намалување на тековните родови нееднаквости и обезбедување еднакви права и можности за учество на жените и мажите во високата извршна власт.
• Подготви посебен сеопфатен документ за јавни политики за зајакнување на учеството на жените во извршната и високата извршна власт, со предвидување на неопходните предуслови и процедури развиени за оваа намена (вклучувајќи и индикација за измена на постоечките законски/подзаконски акти).
Продукти за испорака:
1. Предлог методологија и временски план за изготвување на задачата
2. Подготвени инструменти за прибирање податоци (барања за пристап до информации од јавен карактер, дописи и писма за прибавување на податоците, водич за интервју и/или прашалник/анкета и сл.)
3. Финална анализа која ќе опфати: (1) Извршно резиме (2) Опис на методологијата и начинот на прибирање на податоците (3) Ограничувања во начинот на прибирање на податоците (4) Соодветни прегледи и трендови на опфат на жени и мажи според 1. ресори 2. вид на функцијата (министри/-рки, заменици/-чки, државни секретари/-ки, и сл.), како и 3. време и должина на функцијата која ја обавувале (5) Проблеми и потешкотии со кои се соочиле жените во извршувањето на функциите, како и одредени придобивки и позитивни искуства (6) Заклучоци и препораки за надминување на тековните родови нееднаквости кај извршните и високите извршни функции во Владата (7) Елаборирање на еден сеопфатен документ за јавни политики за зајакнување на учеството на жените во извршната и високата извршна власт.
За оваа консултантска услуга е предвидена вкупна бруто сума од 2970 EUR (2500 £) во денарска противвредност. Крајниот рок за доставување на крајните продукти е 15-ти октомври 2024 година.
При изборот ќе се земат предвид следните општи услови:
• Завршено високо образование, со повеќегодишно искуство во изработка на анализи и студии од ист или сличен карактер;
• Повеќегодишно искуство во областа на родовата еднаквост и/или заштита на правата на маргинализирани групи;
• Повеќегодишно искуство во областа на креирање политики и промена на регулативата;
• Учество и работа на различни квалитативни и квантитативни истражувања;
• Развиени вештини за изготвување и пишување на извештаи;
• Течно говорење и пишување на македонскиот и англискиот јазик;
• Способност за планирање и организација;
• Насоченост кон навремено исполнување на зададените задачи.
Предност ќе имаат кандидат(к)и кои имаат искуство во работа со услуги од областа на социјалната и/или здравствената заштита и политика.
Потребни документи
• Кратка биографија на македонски или англиски јазик со вклучена референтна листа на претходни слични ангажмани
• Предлог методологија и временски план за изготвување на задачата на македонски или англиски јазик
Јавниот повик е отворен за сите заинтересирани кандидат(к)и до 30-ти јули 2024 година.
Документите со назнака/предмет на пораката Јавен повик за избор на Консултант/ка за подготовка на: Анализа на учеството на жени на извршни и високи извршни функции во изминатите 10 години и подготовка на документ за јавни политики за зајакнување на учеството на жените во извршната и високата извршна власт, кандидат(к)ите можат да ги достават електронски на следната е-маил адреса: [email protected];
Лицата коишто аплицирале ќе бидат известени за резултатите од повикот по електронски пат, во рок од најмногу 3 дена од донесувањето на одлуката за избор.
ХЕРА гарантира дека при изборот сите кандидат(к)и ќе имаат еднакви услови, без разлика на етничката припадност, родовото изразување, сексуалната ориентација, возраста, брачниот и родителскиот статус, расата, попреченоста или било која друга основа.