На 14.10.2025г Вторник, се одржа целодневен работен состанок за изминатите и тековните активности и обврски како и финансиската документацијата за новата транша од буџетот ко-финансиран од ЕУ во вредност од од 3,7мил евра за SEBCoVE Project (Паметна електрична енергија за згради).
Состанокот го отвори проектниот менаџер на ССКМ Г-дин Драган Пехчевски, а тимовите на трите партнерски институции Емкице, Југоисточен плански регион и ССКМ ги дискутираа анализите и потребите за знаења, вештини за новите професии, како и состојбите во секторите и регионите кои се опфатени со проектот.
Како домаќин на работниот состанок, новоизбраниот претседател на ССКМ Г-дин Горан Ѓорѓиевски, го презентираше новото раководство, новите работни тела на комората, новите групации за енергетика и минерални суровини, за против-пожарна заштита и кризен менаџмент, за игри на среќа и за стартап компании. Фокус на дискусијата беше потребата за едукација и сертификација на професии, знаења и вештини кои се дефицит на пазарот, потреба на компаниите, клучен сегмент за економски раст, а дел од таа листа е предмет на проектот SEBCoVE.
Г-ѓа Данче Поп-Иванова Илиева, Даниела Мафкова и Мариа бандулова-Тасева од Југоисточен плански регион, ги презентираа финасиските аспекти на јавните институции и регионалните потреби за вештини на вработени во секторите Енергетика, Електроника и Електрика при имплементирање на проектот за учесниците на едукацијата согласно 12те модули и нивна ЕУ сертификација.
Националниот координатор на проектот SEBCoVE, Г-дин Илија Вучков го водеше прегледот на состојбата за изминатите месеци, реализираните и тековните активности и следните 9 месеци потребни за реализација на проектот. Посебно беше разгледана и усогласена процедурата за формално воспоставување на (CoVE-Centre of Vocational Excellence) – Центар за стручно образование и извонредност, неговиот систем, структура, одговорности и вклучување на нови партнери од приватниот, јавниот и академскиот сектор, како и екосистемот на млади претприемачи низ осумте региони во Македонија.
Во финална фаза се 12те модули за едукација со стекнување на европски сертификат, а за овие позиции ќе бидат објавени јавни конкурси за избор на експерти, предавачи и соодветни млади раководни кадри.
Подетални информации ќе бидат објавени наскоро за почетокот на курсевите во ноември 2025г.
Building adult competences in Zero Waste
circular economy in Europe
CoVE значи Centre of Vocational Excellence – Центар за стручно образование и извонредност.
Накратко, CoVE е регионален екосистем што ги поврзува:
•образованието (VET(СОИ)/универзитети)
•бизнисот и индустријата
•јавните институции/општини
за да создава врвни програми, соработка со академскиот сектор користење на лаборатории и креирање на нови услуги во одредена стратешка област (кај нас: „Паметна електрична енергија за згради“).Тука улогата на партнерите е да обезбедат пракса, ЕмкицеКИЦ за надвор од земјата во ЕУ земјите членки, Југоисточен плански регион за соработка со јавните институции и општините, а улогата на ССКМ во обезбедување на пракса на посетителите на курсевите дисемнирани во компаниите членки на комората и странски компании во земјата.
Што прави еден CoVE:
•ко-дизajn на наставни програми во соработка со компаниите (практична обука, микрокреденцијали, европска сертификација)
•living labs и пилоти со реални компании
•мобилности и стажирања (ученици/наставници)
•QA/стандарди (EQAVET, ISO 21001) и следење на резултати
•вмрежување со други европски партнери и заеднички ЕУ проекти
Зошто е важно:
•побрзо усогласување на вештините со пазарот
•повисок квалитет на обука и вработливост
•поддршка за стартапи и иновации
•полесен пристап до ЕУ финансирање и партнерства
EU Projects web and social media:
•SEBCoVE Project Web Site
•SEBCoVE Project LinkedIn
•SEBCoVE Project Intro video
