Вардар ќе игра во финалето на четвртфиналната група од Купот на Македонија чиј домаќин бевме ние, и во полуфиналната пресметка бевме подобри од Охрид, 38-30 (20-18). Утре, недела во 17 часот играме со подобриот од средбата Јуниор КВ и Скопје, за пласман на Ф4 турнирот.
Резултатот на крајот изгледа како рутински да ја завршија работата домашните ракометари, но гостите од Охрид три четвртини од средбата беа во игра, имаа активен резултат и не му дозволуваа на Вардар да „здивне“. Ова е четврти триумф за Вардар сезонава на дуелите со Охрид, ама од овој меч нема поправен.
Од сам почеток гостите покажаа мотивираност иако имаа само 14 играчи во составот. Од 6 минута кога беше 3-3 гостите ги искористија шансите и почнаа да водат, а и така беше се до 15 минута кога Охрид последне пат израмни, 9-9. Потоа Вардар ја презеде иницијативата и до крајот имаше „плус 4′ за водство 14-10 и 15-11. Во 24 минута Вардар имаше водство 17-13, ама потоа следуваа три минути во кои гостите намалија на 18-17.
Тренерот Владо Недановски побарај тајмауат, по што Георгиевски зголеми на 19-17, па Томовски имаше уште една успешна одбрана, од вкупно 9. на целиот меч. Гостите во последните секунди намалија на 20-18.
Неизвесноста беше присутна до средината на второто полувреме кога Охрид намали на 28-25. Потоа Вардар „уфрли во повисока брзина“, ги искористи сите шанси и грешки на противникот и зголеми на 32-25. Веќе беше јасно дека Охрид нема шанса за изненадување.
Филип Талески со 11 гола беше најефикасен кај Вардар, а седум гола даде Дејан Манасков. Голманот Мартин Томовски одбрани девет топки. Во гостинскиот тим на Охрид, седум гола постигна Деан Шешиќ, а еден помалку Владимир Бојаниќ.
Статистика – Vardar – Ohrid Kup 2023