Доцна синоќа во комплексот Негорски бањи се оддржа 34. издание на манифестацијата “Асовите бираат асови”. Се доделија многу признанија и награди во повеќе категории а наградата “Најдобар спортист на Македонија” ја понесе капитенот на ракометната репрезентација, Филип Кузмановски. “Најдобар тренер” како и “Најдобар млад играч” им припаднаа на учесниците на последниот мундијал, Кирил Лазаров и Марко Митев.
Спортски великан на годината е Владимир Богоевски, спортскиот директор на МОК.
Наградата за Најдобар спортист на Македонија ја додели претседателот на МОК, Даниел Димевски, кој меѓудругото се осврна на организацијата на Европскиот Младински Олимписки Фестивал кој ова лето, Скопје и Куманово ќе пречекаат 2500 спортисти од 48 земји.