Градоначалникот Јанков оствари средба со градоначалниците од соседните општини

Меѓуопштинската соработка има важна улога во развојот на регионот чиј прогрес носи бенефит за граѓаните и локалната заедница.

Препознавајќи ја оваа врска и потврдувајќи дека граѓаните и нивните потреби секогаш ќе бидат негов приоритет, градоначалникот Петар Јанков денеска оствари средба со реизбраните градоначалници на соседните општини Василево, Босилово и Ново Село.

Со Славе Андонов, Ристо Манчев и Ѓорѓе Божинов разговараа за желбата и потребата од заедничка визија за развој, работа и просперитет на Струмичкиот регион.

Тие ги повикаа граѓаните на соработка и поддршка во реализацијата на идеи и проекти, затоа што само со заедничка работа се добиваат најдобри резултати.