Градоначалникот Петар Јанков оствари средба со претставници на Делегацијата на ЕУ во Македонија

Градоначалникот на општина Струмица, Петар Јанков, оствари средба со претставници на Делегацијата на ЕУ во Македонија, Мартин Шродер, заменик-шеф на политичкиот сектор и Кристина Димовска, претставничка на одделот за евроинтеграции.

На средбата се разговараше за извештајот на Европската Комисија за Македонија, односно за Пакетот за проширување на ЕУ за 2025 година, а се разгледуваа и можностите за проширување на соработката преку зајакнување на институционалната транспарентност, намалување на корупцијата и дигитализацијата на јавните услуги, како области од клучно значење за подобрување на квалитетот на услугите кон граѓаните.