Под мотото ,,Свириме и пееме за Лео”, ООУ ,,Братство”, во средата, организираше хуманитарен концерт, со цел да се помогне во лекувањето на осумнаесетгодишниот Леонид. Во организација на наставничката по музичко образование, Лиридона Сума, во соработка со одделенските наставници од прво, второ и трето одделение, со музички настапи на учениците од истоименото училиште, се потрудија да бидат дел од помошта за собирање финансиски средства за лекувањето на Лео. Инаку, за третманот на Леонид, потребни се 800.000 евра, а вакви концерти изминативе денови се одржаа и на повеќе локации ширум државата.