Известување за извлекување на натпреварувачки броеви за Супер Машка Лига и групите за Супер Женска Лига – Ракометна Федерација на Македонија

Ве известуваме дека на ден 07.08.2023 (среда) со почеток во 12:00 часот во просториите на Ракометната Федерација на Македонија ќе се оддржи извлекување на натпреварувачките броеви на клубовите учесници во Супер Машка Лига и групите за Супер Женска Лига за натпреварувачка сезона 2024/25.

СУПЕР ЛИГА МАЖИ:

• Натпреварите во првиот регуларен дел се одигруваат по еднокружен бод систем (домаќин-гостин 2 х 11 кола) вкупно 22 кола.
• По завршување на 22-ро коло од регуларниот дел се разигрува play-off и play-out, односно екипите пласирани/рангирани од 1-во до 6-то место ќе ја формираат групата play-off од 6 екипи, а екипите со остварен пласман 7-мо до 12-то место ќе ја формираат групата play-out од 6 екипи.
• Во play-off екипите се натреваруваат во еднокружен бод систем (домаќин – гостин 2 х 5 кола) вкупно 10 кола до добивање конечен пласман во највисок степен на натпреварување, дополнително ракометните екипи пренесуваат бодови од првиот регуларен дел од одиграните 22 кола, по принципот:
• 1-от пренесува 3 бода
• 2-от пренесува 2 бода
• 3-от пренесува 2 бод
• 4-от пренесува 1 бод
• 5-от пренесува 1 бод
• 6-от пренесува 0 бодови
• Во play-out групата разигруваат по еднокружен бод систем (домаќин – гостин 2 х 5 кола) вкупно 10 кола за опстанок во Супер Лига, дополнително ракометните екипи пренесуваат бодови од првиот регуларен дел од одиграните 22 кола по принципот:
• 7-от пренесува 3 бода
• 8-от пренесува 2 бода
• 9-от пренесува 2 бод
• 10-от пренесува 1 бод
• 11-от пренесува 1 бод
• 12-от пренесува 0 бодови

По добивање на конечниот пласман во play-out екипите кои се пласирани од 7-мо до 10-то место остануваат во Супер Лига за сезона 2025/2026, 11-от игра бараж со 2-от од Прва Лига за пласман во највисок степен на натпреварување за сезона 2025/2026, 12-от рангиран во play-out преминува во Прва лига за сезона 2025/2026, а 1-во пласираниот од Прва Лига директно преминува во Супер Лига за сезона 2025/2026.

• Бодувањето по одигран натпревар се валоризира на следниов начин:
• Победа 2 бода;
• Пораз 0 бодови;
• Нерешено 1 бод;

УЧЕСНИЦИ ВО СУПЕР МАШКА ЛИГА

• РК ЕУРОФАРМ ПЕЛИСТЕР
• РК ВАРДАР 1961
• РК АЛКАЛОИД
• ГРК ОХРИД
• ГРК ТИКВЕШ 2014
• РК БУТЕЛ СКОПЈЕ
• РК ПРОЛЕТ 62
• РК СТРУГА
• МРК КУМАНОВО
• РК ПРИЛЕП
• РК БИСИНОВ ФРУИТ ЛЕНД
• РК РАДОВИШ

СУПЕР ЖЕНСКА ЛИГА

• Првиот дел од натпреварувачката сезона во женска ракометна лига ќе биде во групи, односно ќе бидат формирани 3 групи по 5 ракометни екипи. Екипите ќе бидат поделени во 5 пот-а согласно остварениот пласман од сезона 2023/2024. Групите ќе се формираат така што ќе се жребаат екипите од пот 1 до пот 5 редоследно.

• Секоја екипа ќе одигра согласно бергер системот на натпревари (домаќин-гостин 2 х 4 кола), со една екипа слободна по коло, вкупно се одигруваат 10 кола.
• По завршување на 10-тото коло од регуларниот дел се разигрува play-off и play-out, односно екипите пласирани/рангирани 1-во и 2-ро место од секоја од трите групи, ќе ја формираат групата play-off од 6 екипи, а останатите 9 екипи ќе ја формираат play-out групата.
• Во play-off екипите се натреваруваат во двокружен бод систем два пати домаќин – два пати гостин (2 х 10 кола) или вкупно 20 кола до добивање конечен пласман, дополнително ракометните екипи пренесуваат бодови од првиот регуларен дел:
• 1-от од секоја група пренесува 1 бод
• 2-от од секоја група пренесува 0 бодови
• Во play-out групата разигруваат по еднокружен бод систем (домаќин – гостин 2 х 9 кола) вкупно 18 кола, дополнително ракометните екипи пренесуваат бодови од првиот регуларен дел:
• 3-от од секоја група пренесува 2 бода
• 4-от од секоја група пренесува 1 бода
• 5-от од секоја група пренесува 0 бодови
• Бодувањето по одигран натпревар се валоризира на следниов начин:
• Победа 2 бода;
• Пораз 0 бодови;
• Нерешено 1 бод;

Извлекување линк https://www.youtube.com/live/NUcowZTiEDs