Ковачевски ниту работа врши, ниту атер крши, 6 години е на власт СДС уште нема закон за потекло на имот.
Пред Ковачевски да продава магла дека ќе испитува имот на вработените во Царинската управа и УЈП, нека каже што ги спречувало до сега институциите да проверат имот на било кој вработен во државната управа или да отворат и истрага доколку тоа е потребно? Туку сега кога се соочува со штрајк, не знаејќи како да реагира да се заканува.
Добро е да се испита сечиј имот, ВМРО-ДПМНЕ е најгласна за тоа.
Пред се народот треба да знае како Ковачевски го стекнал својот имот.
Како го стекнал уделот во „Пиксел груп“, и за колку го отуѓил, дали сумата која ја добил е симболична или реална, ако е симболична која е позадината, ако е реална дали е пријавена.
Треба да се истражи зошто и како „Пиксел груп“ добивала државна помош, додека Ковачевски е функционер, а истата во тој момент е во посед на неговиот кум.
Народот мора да знае како сопругата на Ковачевски добива државно земјиште за фотоцентрала, додека тој е премиер.
Јавноста има интерес да го знае потеклото на парите на Ковачевски, но и на сите функционери на власта.
Се додека нема детален ветинг на политичарите, другото е сеење магла.