Во градинката „Орце Николов“ – клон „Први стапки“, се одржа работилница по повод издавање на сликовницата „Моето прво ателје – цртам, бојам, откривам“ од авторот Коста Михајлов.
Дечињата од градинката имаа можност да ја доживеат уметноста на многу сликовит начин затоа што преку цртање, боење, истражување и творење, работеа низ содржините од сликовницата.
Преку креативните и едукативните содржини од сликовницата, децата ја поттикнаа својата имагинација и творечко изразување.
Издавањето на сликовницата „Моето прво ателје – цртам, бојам, откривам“ од авторот Коста Михајлов е реализирано со финансиска поддршка од Програмата за култура на Општина Карпош.