Мила Рељиќ ја круниса годината со бронзен медал на Европското првенство до 21 година во Букурешт, Романија.
Мила извојува три победи над противнички од Хрватска, Полска и Унгарија, а во полуфиналето загуби од унгарска репрезентативка.
„За нас Мила Рељиќ после четири тешки борби и три победи над Хрватска, Грција, Полска, во полуфиналето бевме поразени од извонредната Унгарка“, изјави нејзиниот тренер Александар Ефтимов и додава:
„Овој медал е резултат на секојдневниот труд и вложување во последниве години. Конкуренцијата во олимписките спортови е огромна и да се стигне до медал на Европско првенство, посебно за мала држава е епски успех. Следна цел се квалификациите за олимписките игри во Париз 2024“.
Ефтимов изрази благодарност до Македонската таеквондо федерација.
Во оваа категорија со злато се закити токму В. Мартон, „сребрена“ е нејзината сонародничка Луана Мартон, а бронзи имаат Рељиќ и Ирене Монтемуино од Шпанија.