Учениците и вработените во основното музичко училиште „Боро Џони“ новата учебна година ја започнаа во нови и современи простории. Со реконструкцијата којашто започна во декември минатата година, надграден е уште еден кат со нови кабинети, училници, канцеларии и помошни простории, како и нов покрив и нова термо фасада на целиот објект.
Градоначалникот Костадин Костадинов со членови на Советот и претставници на општинската администрација го посети училиштетото и на вработените и им посака среќен почеток на новата учебна година.
-Новата учебна година ја одбележуваме со заокружување на уште една нова капитална инвестиција во симбиоза на Општина Струмица и Министерството за образование и наука, а тоа е комплетната реконструкција на зградата на музичкото училиште и адаптацијата на поткровјето заради потребите коишто ги имаше училиштето од нови кабинети и нови простории за вработените. Ако се земе в предвид фактот дека на почетокот имало 13 вработени и 120 ученици, а сега имаме триесетина вработени и 300 деца, тоа ни дава за обврска да реализираме проекти какви што реализираме денес, изјави градоначалникот Костадинов.
