Денес и официјално стартуваат третите по ред Европски игри кои оваа година се одржуваат во Краков, Полска. Стартот е закажан за 20 часот и 30 минути.
На терените денес Андреас Трајковски со скок од 7.73 метри го освои првото место во скок во далечина на Европското екипно првенство (3-та лига) што се одржува во Силесиа (Полска) во склоп на Европските игри. Со освојувањето на првото место Андреас освои и максимални 15 поени за атлетската репрезентација на Македонија.
На Европското екипно првенство (3-та лига) македонската штафета на 4 х 100 метри во состав Андреас Трајковски, Огнен Стефановски, Михаил Петров и Јован Стојоски постави нов македонски рекорд со резултат од 41.75 секунди, и го освои 5-то место.
Досегашниот рекорд изнесуваше 42.86 секунди поставен во 2012 година, во состав Пандев , Ефремов, Ајдраво, Голубиќ.
Дрита Ислами во денешната трка на 400 м. со пречки на Европското екипно првенство на 120 метри пред целта падна преку пречката и не успеа да ја заврши трката.
На терените се појавија кајакарите во К2 категоријата на 500 метри, браќата Никола и Владимир Малески и постигнаа резултат со време 1.52.116, недоволно за понатамошен пласман.
https://www.facebook.com/IgrzyskaEuropejskie2023
#oneteamonevissiononegoal
#TeamMKD 
#weareunity
#krakow2023
#EuropeanGames2023
#EG2023