Попладнево започна асфалтирањето на улицата „Зборска“, што претставува финална фаза од реализацијата на овој проект. Увид на работата, направи градоначалникот на општина Битола, Тони Коњановски, придружуван од заменик градоначалникот Бојан Бојкоски и претставници на општинската администрација, одговорни за координација на активностите поврзани со проектот. Коњановски потенцираше дека за реализираните зафати, локалната самоуправа инвестираше 6.569.281 денари, од кои 1.522.373 за водоводна мрежа, 1.671.833 за канализациона мрежа и 3.375.075 за коловоз. Општина Битола, продолжува со работа на повеќе локации во попладневните часови, согласно препораките на Министерството за здравство.
The post ПОСЛЕ 45 ГОДИНИ РЕКОНСТРУИРАНА УЛИЦАТА „ЗБОРСКА“ appeared first on Општина Битола.