Членовите на клубот „Млади библиотекари“ од ООУ „Војдан Чернодрински“, ќе одржат промоција на книга – „Водопад меѓу две раце“, во училишната спортска сала во вторник (26.05.2026) со почеток во 18.30 часот. Станува збор за книга на песни и писма на младите библиотекари, инспирирана од поетската збирка „Дениција“ на Петре М. Андреевски и воедно претставува чествување на деведесетгодишнината од неговото раѓање.
Средствата кои ќе бидат собрани од продажбата на оваа книга ќе бидат наменети за збогатување на библиотечниот фонд на училишната библиотека со нови лектирни изданија.
Проектот „Водопад меѓу две раце“ е финансиски поддржан од Општина Карпош, како дел од Програмата за култура за оваа година.
Ве покануваме сите заинтересирани вљубеници во пишаниот збор, да бидете дел од оваа промоција и иницијатива на клубот „Млади библиотекари“ од ООУ „Војдан Чернодрински“.