Ракометаерите на Еурофарм Пелистер 2 не се истата екипа од првиот дел на сезоната. Денес го загубија пелагониското дерби, првпат по три врзани победи. Прилепчани славеа со резултат 29-26, потврдувајќи ја добрата форма во финишот од шампионатот.
Натпреварот беше израмнет во најголемиот дел, но домаќините во клучните моменти покажаа поголема концентрација и сигурност во реализацијата. Најефикасни во составот на Прилеп беа Димитар Димитриоски со осум погодоци и Денис Шабановиќ со седум, додека значаен придонес даде и голманот Иван Ангелески.
Во редовите на гостите од Битола, Мохамед Азис и Славчо Шулески постигнаа по пет голови, но нивниот учинок не беше доволен за да се избегне трет пораз во плејаутот. За Прилеп оваа победа има и дополнителна тежина, имајќи предвид дека последен пат го совладаа овој противник во јуни 2024 година. Со новите бодови, тимот сега има вкупно 30 на табелата, што е пет повеќе од Еурофарм Пелистер 2.
Ракомет
Суперлига 2025/26
Плеј-аут – петто коло
Прилеп – Еурофарм Пелистер 2 29-26 (15-14)
Спортска сала „Ристе Ристески – Ричко“’ – Прилеп
Гледачи: 300
Судии: Марија Илиева и Силвана Карбеска
Прилеп:
Ангелески 1, Ивчески, Тренчески, Кастратовиќ 5, Рајатоски 1, Адамчески, Шипинковски 3, Крстевски, Илиески, Димитриоски 8, Шабановиќ 7, Цветаноски 3, Квастек 1, Столески, Ѓорѓиевски, Соколоски
Седмерци: 6/6
Исклучувања: 6 минути
Еурофарм Пелистер 2:
Јовановски 2, Младенов, Марковски 4, Лозановски 1, Гичев, Даневски, Митревски 4, Шулевски 5, Лазаревски, Дамчевски, Пецаковски, Славков, Белистојановски 3, Дрогришки 1, Мохамед Азис Бен Мафуд 5, Одифред Баптист 1
Седмерци: 2/1
Исклучувања: 8 минути
Во следното шесто коло од плеј-аутот Еурофарм Пелистер 2 ќе се сретне со Пролет во Скопје.
