Ракометарите на Еурофарм Пелистер 2 со пораз ја завршија авантурата во плеј-аутот на македонската Суперлига, откако загубија од Прилеп на домашен терен со 24-28 (12-14). Гостинскиот тим одигра подобар натпревар, имаше два гола предност на паузата (12-14), а во второто полувреме стави во уште посилна брзина, не дозволувајќи им на битолчани да се вратат во резултатска смисла.
Имаше Прилеп во еден момент и осум гола позитива, јасно ставајќи до знаење дека е поквалитетен тим. На крајот, конечниот резултат гласеше , а најдобар поединец кај победниците беше Димитар Димитриоски со десет погодоци. Кај домашниот тим, добар настап имаше Петар Марковски, кој постигна седум голови.
Ракомет
Суперлига 2025/26
Плеј-аут – десетто коло
Еурофарм Пелистер 2 – Прилеп 24-28 (12-14)
Спортска сала „Боро Чурлевски“ – Битола
Гледачи: 300
Судии: Александар Шуковски и Иван Илиевски
Еурофарм Пелистер 2:
Јовановски, Младенов, Марковски 7, Лозановски 1, Гичев 1, Даневски, Велески, Митревски 2, Шулевски 7, Лазаревски, А. Фехми 1, Дамчевски, Пецаковски, Славков 1, Одифред Баптист 4
Седмерци: 3/2
Исклучувања: 8 минути
Прилеп:
Ангелески, Ивчевски, Тренчевски 3, Кастратовиќ 2, Рајатовски 2, Шипинковски, Крстески 2, Илиески 2, Димитриоски 10, Шабановиќ 6, Цветаноски, Столески, Ѓорѓиевски 1, Соколески
Седмерци: 7/5
Исклучувања: 4 минути
Екипата на Еурпфарм Пелистер 2 го заврши плеј-аутот на второто место, зад Прилеп, и вкупно е осмопласирана во Суперлигата за сезоната 2025/26. И следната сезона овој млад тим ќе игра во елитната категорија.
