- Детали
-
Прилеп – Еурофарм Пелистер 2 28-31 (13-16)
Екипата на Еурофарм Пелистер 2 има сериозни амбиции за враќање во суперлигашкото друштво, а тоа го покажа на стартот на турнирот „Миле Нешкоски“ во Прилеп каде славеше над домаќинот РК Прилеп (31-28).
Младите битолчани одиграа одличен натпревар, а успеаја да ја одбранат победата на крајот иако ривалот на двапати доаѓаше на минимална негатива од еден гол. На полувремето резултатот на семафорот гласеше 16-13 за тимот предводен од Александар Зарков.
Претходно, ГРК Охрид го отвори турнирот со убедлива победа над МРК Куманово (31-23). Утре (петок) следи вториот дел од Меморијалниот турнир „Миле Нешкоски“ – од 18:00 часот играат Врање и МРК Куманово, додека од 20:00 часот на мегдан одат ГРК Тиквеш и Прилеп.
