Женската сениорска репрезентација на Македонија со убедлива победа против репрезентацијата на Азербејџан го започна квалификацискиот циклус за пласман на EHF EURO 2024.
Нашата сениорска селекција е дел од групата 5 во која се уште селекциите на Шпанија и Литванија.
Избраничките на Кристијан Грчевски добро го почнаа натпреварот и рано обезбедија водство кое го одржуваа во текот на целото прво полувреме. Цврстата одбрана и успешната реализација на контра нападите беа клучни во креирањето на предноста, додека Јована Саздовска, Сара Ристовска и Андреа Седлоска ги постигнуваа погодоците за нашата репрезентација. На пауза сениорките замина со убедливо водствто 23:10.
Без сериозни проблеми и контролирајќи ја играта во текот на вториот дел, нашиот тим стигна до убедлива победа 40:17. Селекторот Кристијан Грчевски често ротираше со тимот, давајќи им минутажа на сите ракометарки, а нашата репрезентација во второто полувреме беше предводена од Ангела Јанкуловска која постина пет погодоци и Ива Младеновска која постигна 4.
Јована Саздовска и Андреа Седлоска беа најефикасните ракометарки за нашата селекција постигнувајќи по 7 подогоци, а за селекцијата на Азербејџан најрасположена ракометарка беше Слеманова Марта која постигна 6 погодоци.
Следен натпревар за сениорките е против селекцијата на Литванија на гостински терен, натпревар кој е закажан за 15.10 во Вилнис, Литванија.
