Во просториите на МОК вчера се одржа средба помеѓу претседателот Даниел Димевски, Генералниот Секретар на Билјард Федерацијата Горан Ѓурчиновски и претседателот на Снукер Федерацијата Лазар Лазаревски. 🎱 Повод беа значајните успеси во билјард, меѓу кои бронзата од Европското првенство за млади 🥉 и државната титула на супер талентираниот Андреј Ѓурчиновски, кој истата ја оствари на само 15 години и стана најмладиот државен првак во сениорска конкуренција. 👏 Тој лично ги претстави своите резултати и идни цели.
Претседателот Димевски ја истакна заложбата на МОК и ИОК за поддршка на билјардните спортови 🤝 како и потенцијалната нивна вклученост во програмата на Олимписките игри во Бризбејн 2032 година. 🏅 Ова претставува дополнителен мотив за развој на домашните натпреварувачи.
На состанокот беа разменети идеи за заеднички проекти: поставување тренинг-маси, иницијативи за поголема женска инклузивност, програми за ментална подготовка преку билјардот и поддршка за млади таленти. 🌟
МОК останува посветен на унапредување на спортот и спортските вредности во Македонија.