Подготовките за новата сезона ракометарите на Вардар ќе ги почнат на 17 јули во Скопје, за кога е закажан и првиот собир на тимот.
Според планот на стручниот штаб десет дена ќе се работи во салата во СЦ „Јане Сандански“. Потоа се заминува на планина, во Маврово каде ќе се одвива вториот дел од подготовките.
Подготовките во Маврово ќе бидат одработени во периодот од 26 јули до 3 август, по што екипата се враќа во Скопје.
Досега е сигурно дека екипата ќе учествува на два турнири, во Струга од 14 до 17 август, и во Охрид од 20 до 24 август. Се преговара за уште неколку други контролни средби со екипи.
Во меѓувреме се очекува ждрепката во Лига Европа, и противниците во натпреварите.