Вардар го доби првото дерби против Еурофарм Пелистер со 31-24 (13-10) во меч полн со возбуда, полни трибини и многу темперамент на теренот и трибините. Со овој триумф Вардар направи чекор напред кон одбрана на титулата, иако има и реванш, и ова беше 5 коло од вкупно 14 колку што се планирани.
Првиот дел од натпреварот помина во изедначена игра. Воведната иницијатива и минимална предност ја имаше Еурофарм Пелистер се до 13. минута кога Манасков го врати Вардар во минимално водство по воведните 1-0. Секоја грешка и одбранет удар значеше многу на семафорот.
Битолчани одиграа добро во одбрана и за момент ги неутрализираа нашите напаѓачи, па Вардар тешко наоѓаше начин како да го совлада Урбан Лесјак. Имаше Пелистер и водство од 8-7, што беше нивно последно водство на средбата.
Во самиот финиш на првиот дел, Жарко Пешевски постигна гол за израмнување на 10-10, а оттогаш до крајот одбраните на Томовски и една на Ристовски од пенал му овозможија на Вардар предност на полувреме од 13-10.
Веднаш по паузата Томовски продолжи со добрите одбрани, а Вардар ја зголеми разликата на пет голови. Танкоски за момент го запре налетот на Вардар, кој продолжи со нова серија од 3-0 за 18-11 по шест минути игра во вториот дел. Еурофарм Пелистер во 44 минута намали на четири голови (22-18). Но Вардарци имаа свој одговор преку двата гола на Георгиевски за 24-18.
Разликата се одржуваше до самиот финиш. „Црвено-црните“ со голот на Талески во 57 минута имаа и седум голови предност 31-24, а Лесјак не дозволи плус осум откако го запре цепелинот на Вардар кој го завршуваше Манасков.
Статистика од мечот – Vardar-Eurofarm Pelister 31-24
Фото-галерија од натпреварот