Покрај редовната, пролетна иницијатива за дератизација која се спроведе во месец март, Општина Карпош денеска ја започна втората пролетна (интервентна) дератизација на својата територија. Со оваа акција ќе бидат опфатени околу 5.000 шахти, а процесот на дезинфекција, дезинсекција и дератизација ќе биде извршен во сите основни училишта и детски градинки на подрачјето на локалната самоуправа.
Инаку, Општина Карпош ја презема оваа иницијатива секоја година на пролет и на есен, како превенција од штетните глодари и инсекти, во насока на одржување на здравата животна средина.