Лука Змејкоски зaгуби со прекин во полуфинaлето на Европското кик бокс првенство за млади во Јесоло-Венеција, од Гркот Јоаннис Емануилидис.
„Грчкиот натпреварувач не прикажа никаква техника, ниту подготвеност, освен што беше многу потежок и повисок. Таква е категоријата над 81 килограм, може да има голема разлика во килажата и, едноставно, нашиот натпреварувач не можеше да се носи со него“, изјави селекторот Дејан Митровски – Урко.
Така, Змејкоски го освои бронзениот медал на ЕП. Ова е прв медал за Македонија на првенството.
И Марија Димовска се закити со бронзен недал на Европското кик бокс првенство за млади во Јесоло-Венеција.
Димовска во полуфиналето е поразена од Рабија Карадаш од Турција со 1-2.
„Марија ја загуби борбата во полуфиналето против турската натпреварувачка Карадаш Рабија. Сите рунди беа тенки во резултатот и во последната рунда ја загуби борбата за еден бод“, велчи селекторот Дејан Митровски-Урко.