Идната влада предводена од ВМРО-ДПМНЕ ќе обезбеди 250 милиони евра од буџетот на државата за инвестиции во капитални проекти на општините.
Оваа власт на СДС и ДУИ ги опструира, ги кочи и им одмага на локалните самоуправи раководени од страна на градоначалници од редовите на ВМРО-ДПМНЕ.
После промената на власт нема да се прави никаква дискриминација и ќе се помагаат сите општини врз основа на нивните потреби и капацитети.
ВМРО-ДПМНЕ ќе инвестира во вистинските потреби на граѓаните, во патишта, улици, водоводи, канализации, училишта и детски градинки.
За еден мандат над 1 милијарда евра ќе се инвестираат во подобрување на условите за живеење на секој човек. Додека во време на владата на ДУИ и СДС годишно 250 милиони евра „испаруваат“ заради метастазираната корупција и криминал, во иднина тие пари ќе завршат за сериозни инфраструктурни проекти во секоја општина.
На тој начин секој човек ќе може да почувствува повисок стандард на живот, поблиску до европскиот, а не само декларативните изјави на сегашните владини функционери кои со едната рака мавтаат европски знамиња, а со другата рака ги полнат своите џебови.
Доаѓаат промени, доаѓаат подобри времиња за граѓаните.