Генералниот секретар на Македонскиот олимписки комитет (МОК), Ѓорѓи Тасев, денеска гостуваше во емисија на Спортското радио 90,3 каде зборуваше за новата визија и идните чекори на највисокото спортско тело во државата.
Во интервјуто, Тасев истакна дека неговата главна мотивација е да се внесат „нови моменти“ во функционирањето на Комитетот, со цел унапредување на македонскиот олимпизам и олимпиското движење.
Тој ги претстави клучните точки од својата програма, нагласувајќи дека фокусот во наредниот период ќе биде ставен на:
– Имплементација на нови планови и програми за развој на спортот.
– Модернизација и дигитализација на работата и зголемување на ефикасноста и ефективноста на стручната служба на МОК.
– Зајакнување на поддршката за македонските спортисти и промовирање на олимписките вредности.
Целиот разговор, во кој г-дин Тасев детално зборува за мотивите и идните проекти, можете да го слушнете на следниот линк: https://audio.com/sportsko-radio-90-3-fm/audio/gotov-razgovor-so-gjorgji-tasev-gensekretar-mok-121125