Ја известуваме јавноста дека официјално започна процесот на регистрирање за влезници за Олимписките игри во Лос Анџелес 2028 година. Ова е првиот чекор за секој што сака да биде дел од овој голем спортски спектакл.
Што треба да направите?
За да имате шанса да купите билети, задолжително треба да креирате свој профил на официјалната веб-страница на LA28.
Рок за регистрација: Од 14 јануари, па сè до 18 март 2026 година. Регистрирањето во овој период е единствениот начин да се приклучите на листата на заинтересирани купувачи.
Што нè очекува во Лос Анџелес?
Овие Олимписки Игри се најавуваат како најмасовните досега. Организаторите веќе ги објавија плановите за објектите и деталниот распоред, па можете веднаш да започнете со планирање на вашето патување.
– Спортска програма: Дури 36 спортови и 51 дисциплина.
– Локации: Натпреварите ќе се одвиваат на 49 локации низ регионот на Лос Анџелес и Оклахома Сити.
– Клучни датуми: Свеченото отворање е закажано за 14 јули, а затворањето на Игрите ќе биде на 30 јули 2028 година.
Кои нови спортови ќе ги видиме во ЛА28?
Интересно е да се знае дека во Лос Анџелес ќе се вратат или за првпат ќе се појават некои возбудливи спортови како што се:
– Flag Football (Американски фудбал во верзија без контакт) – дебитантски настап.
– Сквош – исто така дебитира на Олимписките игри.
– Крикет – се враќа по повеќе од 100 години!
– Лакрос и Бејзбол/Софтбол – повторно во програмата.
Игрите ќе бидат поделени во неколку „зони“ низ Калифорнија:
Downtown Zone: Кошарка, мечување, тенис.
Long Beach: Пливање во отворени води, триатлон, едрење.
Carson: Велосипедизам и рагби.
Oklahoma City: Кајакаштво (слалом) и софтбол (ова е единствената локација надвор од Калифорнија поради постоечките врвни објекти).
Не чекајте до последен момент, бидејќи интересот е огромен од целиот свет