На жените не им е потребна евтина пропаганда, туку обезбедување ФУНКЦИОНАЛЕН систем во државното здравство.
Лицемерна е кампањата на владејачката СДС за подигнување на свеста кај жените во борбата против ракот на дојка, додека во реалноста, не функционира системот за рана детекција на ова заболување. Делењето флаери кое за лична пропаганда го вршат СДС и нивниот лидер, нема да го направат „Mој термин” поефективен, ниту жените поспокојни. Празните флоскули обоени во розевата панделка, во време на висока инфлација, на поголемиот дел од жените им влева само повеќе страв.
Левица се залага за еднаква достапност до термини, континуиран скрининг со национална програма, инвестиции во нови кадри, како и нова технологија која ќе го скрати времето потребно за дијагностицирање и терапија на ракот на дојката!
ПОЛИТИЧКА ПАРТИЈА ЛЕВИЦА – АФЖ
25.10.2023