Во вториот полуфинален натпревар од Купот на Македонија, игран во салата „Билјанини извори“ во Охрид, ракометарите на Еурофарм Пелистер го совладаа ГРК Охрид со 27-23.
Митревски пак врза неколку одбрани од кои еден пенал, ама пелистерци грешеа во напад и сè уште бркаа минимална негатива. Чаневски одговори со два одбранети зицери, но во два наврати „гладијаторите“ не користеа напади за два разлика. Казната стигна со голот на Кузмановски за 14-14, а потоа пелистерци не искористија напад за водство бидејќи Пешевски погоди статива. Конечно „проигра“ капитенот на битолчани и врза два погодоци за прво водство дури од стартот на натпреварот (16-15).
Сепак, во вториот дел работите се променија. Шампионот фати ривал и првпат осетно поведе. Битолскиот тим кој врза два гола од крило преку Манасков и Радивојевиќ за 22-20, а на тоа се надоврза и Митревски со две интервенции. Се одллепи Пелистер на три разлика, но потоа не искористи напад за да „плус четири“ и веројатно затворање на мечот. Алушовски пак повика тајм-аут на шест минути до крајот. Одново Охрид не реализира, па во контра Борзаш погоди за 24-20 во празна мрежа, за крај на надежите на домаќинот за изненадување. До крајот на средбата пелистерци чекореа сигурно и стигнаа до посакуваната цел со победа од 27-23.
Во победничките редови најефикасен беше Кузмановски со седум голови, додека истиот учинок го имаше и Ојлески во поразената екипа. Битолската екипа в недела од 17:30 часот во финалето за куп пехарот ќе игра против РК Вардар 1961 кој претходно беше подобар од РК Алкалоид.
Ракомет
Куп на Македонија 2024/25
Полуфинале:
Еурофарм Пелистер – Охрид 27-23 (11-12)
Спортска сала „Билјанини извори“ – Охрид
Гледачи: 2.000
Судии: Ѓорѓи Начевски и Славе Николов (Скопје)
Еурофарм Пелистер:
Митревски, Ивиќ, Брестовац, Манасков 4, Цехте 2, Тајник 3, Борзаш 1, Радивојевиќ 1, Кузмановски 7, Костески 2, Абутовиќ, Пет. Атанасијевиќ, Пешевски 2, Хосни 1, Хаџиќ, Пав. Атанасијевиќ 3, Мамдух 1
Седмерци: 3/2
Исклучувања: 10 минути
Охрид:
Чаневски, Ѓорѓески, Ојлески 7, Андоноски, Матцуока 2, Јукиќ 4, Костов, Тасевски, Јотиќ, Кукоски, Крстевски, Јотиќ, Пешиќ 3, Кукуловски 4, Бојаниќ, Винициус, Цирар 3
Седмерци: 6/3
Исклучувања: 8 минути
Во ова натпреварување најмногу трофеи има Вардар, вкупно шеснаесет, додека Еурофарм Пелистер има пет, а со евентуална нова титула ќе се израмни со Металург на второто место на вечната листа по освоени Куп-пехари.
