Традиционално по триесетти, јубилеен пат, од 05-ти до 09-ти јуни се одржува Меѓународниот детски фолклорен фестивал „Од цвет на цвет со оро и песна“, во организација на младинското културно-уметничко друштво „Цветан Димов“ од Општина Карпош. Главниот концерт се одржа на 06-ти јуни на сцената во училиштето „Петар Поп Арсов“.
Оваа година учесници на фестивалот се детски ансамбли од Република Северна Македонија, како и од соседните Р.Бугарија и Р.Србија, а согласно програмата, претходно се одржа фолклорно дефиле на сите ансамбли кое се одвиваше низ улиците на Општина Карпош.
Овој реномиран меѓународен детски фолклорен фестивал е поддржан од Министерството за Култура на Р.С. Македонија, како и од Општина Карпош.
Општина Карпош во континуитет, активно подржува проекти од областа на културата која претставува значаен сегмент од животот во заедницата.